ЯҢАЛЫКЛАР
Юл төзелешендә эшләп зур хезмәт стажы туплаган, оешмабызның иң абруйлы шоферларының берсе булган Шәмсетдинов Тәлгать Мәхмүт улы турында район газетасы укучыларына күптән сөйлисем килә инде. Әмма Тәлгать абыйны үзе турында ачыктан-ачык әңгәмәгә җәлеп итү ансат эш түгел шул. Менә шул сәбәпле гадәти булмаган бу кеше турында очерк моңарчы язылмыйча торды. Әмма аның оешмабызга шулкадәр еллар тугрылык саклавының сәбәбен, техникага булган гаҗәеп "мәхәббәтенең" серен, тормышка һәрчак уңай карашының кайчан һәм ничегрәк калыплануын ачыклар, алар хакында укучыларга һәм бигрәк тә Тәлгать абыйның яшьрәк хезмәттәшләренә сөйләү теләгем зур булды.
Күптән түгел Казанда "Татарстан Республикасы. Мавыктыргыч сәяхәт: тарих, мәдәният, традицияләр" исемле яңа китапны тәкъдир итү тантанасы булды. Ул чарада республика районнары башлыклары да катнашты.
"Алексеевскдорстрой" ачык акционерлык җәмгыятенең Әлки участогында 170 кеше эшли, эшнең бик күп вакытында хезмәткәрләр саны 200 гә җитә. Без райондагы 309 километр автомобиль юлларына хезмәт күрсәтәбез. Бу юлларның 253 километрдан артыграгы асфальтланган, 15 километр чамасына вак таш җәелгән, 40,7 километры – грунт юллары. Быел коллектив көче белән 17,86 км юл төзелде. Ел ахырына кадәр тагын 4 км юлны куллануга тапшырачакбыз.
"Алинә" спорт залында өченче ел рәттән балалар һәм яшьләр спорт мәктәбенең элеккеге укучысы Альберт Шаһиев истәлегенә багышлап мини-футбол буенча ир-атлар һәм спорт мәктәпләре командалары арасында турнир үткәрелде.
8 октябрьдән 18 октябрьгә кадәр район газетасына арзанрак бәядән язылырга мөмкин.
Узган атнада райондашларыбыз 1455 данә вакытлы матбугат басмасына язылганнар.