ЯҢАЛЫКЛАР

29 август кичендә бәйрәм Базарлы Матак мәктәбе стадионында дәвам итте. Биредә район үзәгеннән генә түгел, авыллардан да бик күп халык җыелган иде. Бәйрәм концертын Балалар иҗаты йортында шөгыльләнүчеләр һәм музыка мәктәбендә белем алучы яшь талантлар башлап җибәрде. Аннан соң сәхнәгә район мәдәният йорты сәнгать осталары, авыл үзешчәннәре күтәрелде.
Сәхнә белән янәшәдә урын алган чәчәк бәйләмнәре һәм яшелчә, җиләк-җимеш композицияләре күргәзмәсе дә бәйрәмгә килүчеләрне битараф калдырмады.

Республика көне районыбызда 29 августта зур чаралар белән билгеләп үтелде.

Борискино урта мәктәбе укучылары һәм укытучылары өчен Белем бәйрәме икеләтә сөенечле булды. Яңа уку елын алар яңарган мәктәптә каршы алдылар. Мәктәп бинасын бүген танырлык та түгел. 1982 елдан бирле рәтле ремонт күрмәгән мәктәп быел республиканың капиталь ремонт программасына кертелгән иде. Бүген анда яңа тормыш башланды. Ремонттан соң бинаны файдалана башлау тантанасында Татарстан Дәүләт Советы депутаты Валентина Липужина һәм район башлыгы Фердинат Дәүләтшин катнаштылар.

5 сентябрьдә Россия Федераль Монополиягә каршы хезмәтнең Татарстан Идарәсе җитәкчесе урынбасары Д.Р.Кравченко эшмәкәрләр белән очрашу үткәрә.

"Алинә" универсаль спорт залында бик күп түгәрәкләр эшли.

Түбән Әлки авылының "Чулпан" балалар бакчасында ата-аналар ярдәме белән уен мәйданчыгы булдырылды.

Татарстан Президенты кушуы буенча республикада модульле участок ветеринария пунктлары  төзү күздә тотыла.

Август аенда яңа туган сабыйлар хисабына район халкы  19 кешегә артты, 10 гаилә төзелде.

Игенчеләребез тырышлыгы белән районда урып-җыю эшләре төгәлләнүгә бара.
44391 гектарда игелгән бөртеклеләрнең 42117 гектары тулысы белән җыеп алынды. Ел коры килүгә карамастан, уңыш гектардан  уртача 22 центнер тәшкил итә. Әмма комбайннарны саклауга куярга иртә әле – көнбагыш һәм бөртек өчен кукуруз җыясы бар.

"Кайгырту" социаль хезмәт күрсәтү үзәгендә "Мәктәпкә җыенырга ярдәм ит!" акциясе кысаларында үткәрелгән чарада  аз керемле һәм күп балалы гаиләләрдә тәрбияләнүче 30 балага мәктәп кирәк-яраклары тутырылган букчалар һәм истәлекле бүләкләр тапшырылды.