ЯҢАЛЫКЛАР

Район башкарма комитетының инфраструктура бүлеге җитәкчесе Әсхәт Гарипов, әлеге бүлекнең баш белгече Рәмис Камалов, район капиталь төзелеш бүлеге начальнигы Миләүшә Камалова республика төзелеш, архитектура һәм торак-коммуналь хуҗалыгы министрлыгының Мактау грамотасы белән бүләкләнделәр.

Бу җәйдә Казанда 27 нче Бөтендөнья җәйге Универсиадага әзерлек эшләрендә һәм аны үткәрүдә район электр челтәрләренең баш инженеры Тәлгать Сафин җитәкчелегендәге бригада да катнашты.

30 августта бәйрәм ителәчәк Республика көне белән районның барлык халкын район башлыгы, район советы рәисе Фердинат Дәүләтшин тәбрик итте.

Республика көне уңаеннан районыбызда күп төрле спорт, күңел ачу чаралары оештырыла.

"Красный Восток" Агрохолдингы басуларында терлек азыгы әзерләү һәм бөртекле культураларны урып-җыю тәмамлана. Моннан тыш, барлык хуҗалыкларда да авыл хезмәтчәннәре көзге культураларны чәчү һәм җирне эшкәртүгә дә керешкәннәр.
Искәртеп узыйк, август башында күп еллык үләннәр чәчелгән 17,9 мең гектар мәйдан чабылган иде. Бүгенге көндә 23,7 мең гектар мәйданда бер еллык үлән чабылган. 173 мең тонна сенаж һәм 30,8 мең тоннадан күбрәк печән әзерләнгән. Тулаем алганда, "Красный Восток" Агрохолдингы игенчеләре һәр шартлы терлек башына 12,6 центнер азык запасы туплаган.

27-30 августта "Колос" кинотеатрында "Сокровища озера Кабан" (Кабан күле хәзинәләре) фильмы күрсәтеләчәк.

29 августта "Колос" кинотеатрында 2013-2014 елгы ягу сезонында алда торган бурычлар хакында киңәшмә булачак.

1 сентябрьдән юл йөрү кагыйдәләрен бозучыларга штрафлар күләме арта.

Түбән Әлки урта мәктәбенең 11 сыйныф укучысы Салават Шәрипов билбаулы көрәш буенча Россия беренчелегендә  икенче урын алды.

Республика көне һәм Белем көне уңаеннан бәйрәм тантаналары әзерләү һәм үткәрү вакытында өстәмә хәвефсезлек чаралары күреләчәк.