Әлки аргамаклары Самарада үткән ат чабышларында призлы урыннар яулады

Марат әлеге өч яшьлек ярымтокымлы атны узган көз сатып алган иде. Кавалер беренче тапкыр шундый зур ярышларда катнаша һәм җиңү яулый. Икенче чабышта Маратның Талисман дигән аты икенче булып килә. Атларның җайдагы – район Сабантуйлары призеры Олег Синкин (Новостройка). Базарлы Матакта яшәүче Фаил Сибагатов Самара өлкәсендә үткән башка бер ярышта Галочка исемле аты белән финишка икенче булып килгән иде. Бу аргамаклар район Сабан туенда да  призлы урыннар яуладылар.