Әлки районы үзәк хастаханәсендә “Мәктәпкә җыенырга ярдәм ит!” акциясе: әти-әниләре биредә эшләгән алты балага портфельләр тапшырылды

2018 елның 10 августы, җомга

Әти-әниләре медицина хезмәткәрләре булган малайлар һәм кызларга әлеге бүләкләр “Мәктәпкә җыенырга ярдәм ит!” хәйрия акциясе кысаларында бирелде. Яңа портфельләр эченә мәктәп кирәк-яраклары да тутырылган.   
Баш табиб урынбасары Эма Шәйхетдинова, балаларга  букчаларны тапшырып, һәркайсының сау-сәламәт булуын, яхшы укуларын теләде. 
Район үзәк хастаханәсе коллективы барлык хәйрия акцияләрендә, шул исәптән “Мәктәпкә җыенырга ярдәм ит!” чарасында елның елында актив катнаша. Биредә балаларга, шулай ук өлкәннәргә һәм ветераннарга  бик теләп булышалар.