Корбан гаете мөбарәк булсын!

“Гаетебез мөбарәк булсын! Аллаһы Тәгалә барлык яхшы гамәлләребезне кабул итеп, гыйбадәтләребез өчен савапларын арттырып, ике дөньяда да үзенең чиксез мәрхәмәтен насыйп итсә иде. Илләребезгә тынычлык, гаиләләребезгә иминлек, бәхет-сәгадәт насыйп әйләсен”,–дигән сүзләр бар мөхтәсибнең котлавында. 
Ирек хәзрәт хәбәр итүенчә, 21 август көнне мәчетләребездә иртәнге 4 сәгать 30 минутта гает вәгазе, 5 сәгатьтә гает намазы укылачак.