Әлки районы кырларында кукурузны силоска салу эшләре башланды

2018 елның 7 сентябре, җомга

Алар бер көндә уртача 4500 тонна яшел массаны урдырып, азык утарларына озаталар.

Силос өчен куку­руз мәйданнары быел 6900 гектар тәшкил итә. Көннәр коры тор­ганда механизатор­ларыбыз аны атна-ун көн эчендә җыеп ала­чаклар.

Шулай ук рапс ура­гы да төгәлләнеп килә. Әлеге техник культура 3273 гектарда игелгән иде.

Бу көннәрдә ме­ханизаторлар ка­рабодай суктыруда эшлиләр. Ул 2284 гек­тарда үстерелде. “Ху­зангай” җәмгыяте бу кыйммәтле яр­маны үзендә җыеп алды инде. Шулай ук фермерлар да үз биләмәләрендә игелгән карабодайны суктырып бетерделәр. “ВостокЗернопродукт” филиалларында исә күпчелек мәйданда бу культура теземнәргә салынды. “Үзәк Әлки” филиалы инде сукты­руга төште.

Көзге чәчү эшләре дә төгәлләнде. Рай­онда 22400 гектарда бөртекле уҗым культу­ралары чәчү планлаш­тырылган булса, ул эш 23550 гектарда башка­рылды. Тагын 1,5 мең гектарда техник куль­туралар чәчелде.

Район басула­рында 26 агрегат туңга сөрүдә эшли. Авыл хуҗалыгы һәм азык-төлек идарәсе җитәкчесе Роберт Га­диев: “Сукалауны та­гын да җанландырасы бар”,–ди. Бу эшне башкару өчен һава то­рышы да әйбәт, иртә туңга сөрелгән җирләр киләсе елда яхшы уңыш алуга ныклы ни­гез дә бирә.

Х у җ а л ы к л а р д а көнбагыш һәм бөртек өчен кукуруз ура­гы башланырга тора. Бөртеккә кукуруз 5400 гектарда игелсә, көнбагыш 13200 гектар тәшкил итә.

“Яшь көч” җәмгыяте көнбагышны быел 810 гектарда үстергән иде. Шуның 490 гектары­на самолетлар белән десикация ясап, тиз арада аны суктыруга керешәчәкләр.