Айрат Хәйруллин: «Социаль түләүләр алу хокукын без яңадан торгыздык»
Аксубайда яшәүчеләр төрле мөрәҗәгатьләр белән килделәр: торак бирүгә ярдәм итү, гаражлар рәсмиләштерү, урамнарга газ кертү, авыл клубына ремонт ясау, яңа клуб төзү, җир кишәрлекләрен ызанлау турында…
Билгеләнгән көнне депутатка 18 нурлатлы килде, аларны күп балалы гаиләләргә ташламалар, тузган торакны ремонтлау, эшмәкәрлек, юллар төзү мәсьәләләре борчый.
Түбән Камада яшәүчеләрнең мөрәҗәгатьләре, нигездә, шәхси ихтыяҗларга кагыла: шәхси йортны газлаштыру, эшкә урнашу, торак алу һәм яшәү төре мәсьәләләре. Олы Афанасово авылында яшәүче, авылдан чыккан вакытта юл буенда агачлар киселмәгән, шуның аркасында машина йөртүчеләргә күзәтү начарайтылганлыкны хәбәр иткән һәм юл тамгасын урнаштыруда ярдәм сораган. Түбән Кама районыннан депутат мөрәҗәгать итүчеләрнең 7 соравын контрольгә алды.
Барлык мөрәҗәгатьләр эштә, аларны карау нәтиҗәләре турында мөрәҗәгать итүчеләргә вакытында хәбәр ителәчәк.
“ Барлык районнар буенча күпчелек проблемалар нигездә урында хәл ителә, кайбер очракларда без депутат таләбе ясыйбыз, чөнки алар тиешле ведомстволарда тикшерүне таләп итә, соңрак без проблемаларны хәл итү барышы турында хәбәр итәбез", - дип аңлата Айрат Хәйруллин.
Исегезгә төшерәбез, Спас районыннан берничә гаилә депутатка «Авыл территорияләрен тотрыклы үстерү»социаль программасы буенча торак төзүгә яисә сатып алуга ссудалар алу буенча ярдәм сорап килделәр. Әлеге программа кысаларында яшь белгечләр теркәлеп субсидия алуга чиратка бастылар. Кайберләре аларны өлешчә алырга өлгергән һәм төзи башлаган, әмма агымдагы елның маенда ТР Министрлар Кабинеты карары нигезендә Татарстан Республикасы шәһәрләре социаль программадан төшереп калдырылды. Элек исәптә торган гаиләләр шуның нәтиҗәсендә анда катнашу хокукын югалтканнар, ә өлешчә акча алырга өлгергән кешеләр төзелешкә кертелгән акчаларны кире кайтарырга туры килмиме, дип борчылдылар.
"Сентябрь ахырында без ТР авыл хуҗалыгы министрлыгыннан депутат сорауларына җавап алдык, алар Болгар халкын сөендерәчәк. «Авыл территорияләрен тотрыклы үстерү» программасы буенча субсидия алу өчен учетка баскан гаиләләр хокуклары майга кадәр торгызылды. Субсидия алучылар аларны өлешчә тулыландыра алачак. Тиешле аңлатмалар Татарстан Республикасы буенча Федераль казначылыкка җиткерелде, акчалар алга таба күчерү өчен Спас муниципаль районы башкарма комитетына җибәрелде», - дип хәбәр итте Айрат Хәйруллин.
Алынган аңлатмалар нигезендә, ТР Министрлар Кабинетының 404 номерлы карары үз көченә кергәнче, ягъни 29 майга кадәр исәпкә баскан гражданнар чиратка басу урыны буенча шәһәрләрдә торак төзегәндә һәм сатып алганда ярдәмче программада катнашу хокукына ия, дип аңлатты депутат.