Күчемсез милегегез тирәсендә шикле активлык сизсәгез нишләргә?
Татарстан Росреестры, гражданнарның күчемсез милеккә хокуклары гарантиясен тәэмин итүче дәүләт органы буларак, дәүләт тарафыннан күчемсез милек хуҗасы хокукларын яклауның өстәмә ысулы каралган, дип аңлата. Һәр күчемсез милек хуҗасы Росреестрга үз милке белән килешүләр аның шәхси катнашында гына башкарыла ала дигән гариза бирә ала.
Мондый гаризаны КМБДР га тапшырганда тиешле язма кертеләчәк. Әгәр килешүне теркәү өчен ышаныч кәгазе буенча вәкил мөрәҗәгать итсә, документлар караусыз кайтарылачак, ә хокукка ия булучыга аның күчемсез мөлкәте белән гамәлләр кылырга омтылыш хакында хәбәр ителә.
Мондый чара күчемсез милек хуҗаларының хокукларын яклауга юнәлдерелгән. Аерым алганда, ышаныч кәгазе буенча эш итүче арадашчылар тарафыннан төзелгән күчемсез милек белән алдау операцияләре куркынычы кими. Бу бигрәк тә милекченең моңа нигезе булган очракта:элегрәк ышанган кеше күчемсез милек яки шәхесне раслаучы документны (паспорт) югалткан булса.
Шуны да билгеләп үтәргә кирәк, 2018 елның 10 аенда шундый 2 477 гариза бирелгән. Чагыштыру өчен, 2017 елның 10 аенда идарәгә кергән гаризалар саны 2 736 тәшкил итте, бу агымдагы ел күрсәткечләреннән бераз күбрәк.
Милекченең шәхси катнашыннан башка сату-алу эшләрен башкара алмау мөмкинлеге турындагы гаризаны ЭЦП булганда, Росреестр сайтында шәхси кабинетта бушлай электрон рәвештә бирергә мөмкин.
Матбугат хезмәте