Чуаш Кичүе авыл җирлегенең административ бинасын ачу тантанасы булды

2018 елның 15 ноябре, пәнҗешәмбе

2018 елның 15 ноябрендә Әлки муниципаль районының Чуаш Кичүе авылында президент программасы кысаларында төзелгән авыл җирлеге башкарма комитетының яңа бинасы ачылды.

Бинаны ачу тантанасында «Татарстан Республикасы Муниципаль берәмлекләре Советы» Ассоциациясе рәисе Әгъзам Гобәйдуллин, Әлки муниципаль районы башлыгы Александр Никошин, авыл җирлекләре башлыклары, төзүчеләр һәм авыл халкы катнашты.