"Без кешеләргә изгелек итү өчен яшибез!" дигән күчмә концерт.

2018 елның 15 декабре, шимбә

2018 елның 10 декабрендә Әлки районының Юхмачы урта мәктәбе укучылары һәм “Яшьармиячеләр” Россия мәктәп укучылары хәрәкәте активистлары Юхмчы картлар һәм инвалидлар интернат-йортында яшәүчеләр өчен "Без кешеләргә изгелек итү өчен яшибез!" дигән күчмә  концерт күрсәтте.  Тамашачыларга җыр, шигырьләр һәм биюләрдән торган сәгать ярымга программа тәкъдим ителде.

Концерт программасының йомгаклау өлешендә укучылар интернат-йортта яшәүчеләргә йөрәк җылысын кушып әзерләгән открыткалар һәм сувенирлар бүләк иттеләр.