Яшь гвардиячеләр халыкны РФ Конституциясе көне белән котладылар.

2018 елның 17 декабре, дүшәмбе

 Әлки җирле бүлегенең «Яшь Гвардия» активистлары Конституция көне уңаеннан, Базарлы Матак авылы урамнары буенча  район халкын котлап,  Россия флагы триколоры-тасмалар тараттылар.

Һәр илнең гражданины өчен Конституция-ул беренче чиратта белергә тиешле закон, чөнки законнарны белү һәм дөрес куллану-цивилизацияле тормыш нормасы, аның сыйфатын күтәрү өчен куәтле рычаг.

Яшь гвардиячеләрнең  җирле штаб җитәкчесе Алмаз Идрис улы Хәмитов: «Мондый акцияне ел саен үткәрәбез. Әлеге чараның төп максаты-ватанпәрвәрлек һәм Россиянең дәүләт символына хөрмәт тәрбияләү», - дип белдерде.