Әлки районының алкоголь базарында вәзгыять
Узган ел 211493 литр күләмендә алкогольле продукция сатылган, бу 2017 ел дәрәҗәсеннән 3,3% ка кимрәк.
Кертелә торган алкогольле продукция буенча 2017 ел дәрәҗәсенә карата 14% ка үсеш күзәтелә, кертелгән аракы буенча 1% кимегән.
Республика производствосының алкогольле продукциясе, шул исәптән аракы буенча сату күләме 8% ка кимегән.
2018 елда җан башына алкогольле продукция сату күләме 11,1 л тәшкил итте, бу 2017 ел дәрәҗәсенә карата 98% тәшкил итә.
2018 елның гыйнвар-декабрь айларында «Пивоварня Москва-Эфес» АҖ Казан филиалы, «Болгарпиво» ААҖ, «Ак Кремль» ААҖ сыра белән тәэмин итү турындагы мәгълүматлар нигезендә. Әлки районында фактта 13,1 мең дал сатылган, бу 2017 ел белән чагыштырганда 14,5% ка күбрәк.
2018 елда территориаль орган белгечләре 21 тикшерү үткәрде. Тикшерү барышында 21 очракта гамәлдәге законнарны бозуның 22 очрагы ачыкланды. Легаль булмаган әйләнештән 10,52 литр күләмендә алкогольле һәм спиртлы продукция алынды.
"Халык контроле» дәүләт мәгълүмат системасына 6 мөрәҗәгать керде, 2 очракта фактлар расланды, гаепле затлар административ җаваплылыкка тартылды.
Административ хокук бозулар буенча салынган штрафларның гомуми күләме 206 000 сум тәшкил итә.
Татарстан Республикасы Дәүләт алкоголь инспекциясенең Чистай территориаль органы