Татарстан Росреестры: электрон документ булган очракта документны кәгазь рәвештә соратып алырга хокуклы түгел.
Шуңа күрә күчемсез милеккә хокукларны дәүләт теркәве үткәрү нәтиҗәсендә алынган документлар белән төрле инстанцияләргә мөрәҗәгать итүче гражданнарның документларын кәгазьдә соратып алырга тиеш түгел.
Татарстан Республикасы буенча Росреестр идарәсенең Яр Чаллы бүлеге хезмәткәрләре тарафыннан төрле органнар һәм оешмалар вәкилләре белән очрашуда билгеләнгән төп проблема әнә шул. Аерым алганда, әлеге чарага пенсия фонды, салым хезмәте, ресурслар белән тәэмин итүче оешмалар вәкилләре, шулай ук идарәче компанияләр, ТСЖ һәм тд җитәкчеләре чакырылган иде.
- Күчемсез милекне электрон теркәү көннән-көн популярлаша бара. Ул чыннан да уңайлы, - дип шәрехли вәзгыятьне Яр Чаллы бүлеге башлыгы урынбасары Арман Аяпбергенов. - Әмма безгә еш кына документларны электрон рәвештә төрле оешмаларга (мәсәлән, шул ук торак – эксплуатация хезмәтенә күпфатирлы йортка хезмәт күрсәтү турында килешү төзегәндә, йортны газга тоташтырганда, шәхси счет ачкан вакытта, пропискалар - хәлләр күп булырга мөмкин) тапшырганда, кешеләрнең «кәгазь» - мөһерләр һәм имзалар белән китерүләрен сорап ишетергә туры килә. Әмма электрон формада документ булган очракта документларны кәгазьдә соратып алырга беркем дә хокуклы түгел! Чарада катнашучылар әлеге проблеманы хәл итүгә керешергә һәм хезмәткәрләрне Электрон теркәлгәннән соң килгән документлар белән эшләү буенча кирәкле укыту уздырырга әзер булуларын белдерделәр.
Татарстан Росреестры, үз чиратында, документларны электрон рәвештә бирү (мәсәлән, күчемсез милек объектын сату-алу килешүе) 1 көн эчендә теркәлә, ә электрон гариза төзү нибары 1 сәгать дәвам итәчәк, дип искәртә. Шул ук вакытта мөрәҗәгать итүчеләр-физик затлар дәүләт пошлинасын түләү буенча ташламадан файдалана (электрон документлар буенча 30 процент ташлама кулланыла). Шулай итеп, бүген үк теләгән күчемсез милеккә хокукларны максималь кыска срокларда рәсмиләштерергә мөмкин.
Шулай ук Татарстан Росреестры «Росреестр белгечләре белән беренче документлар пакетын бир»дигән махсус акция турында искә төшерә. Үткәрелә торган чараның асылы шунда: әгәр сездә көчәйтелгән квалификацияле электрон-цифрлы имза (ЭЦП) бар икән, документлар пакеты әзер һәм сез үз офисыннан чыкмыйча, теркәлү өчен документларны электрон рәвештә тапшырырга телисез икән, (843) 255-25-10 телефоны буенча һәм беренче документлар пакетын тапшырырга мөмкин, Росреестр хезмәткәре киләчәк, гамәлләр алгоритмы күрсәтәчәк, барлык детальләр турында сөйлиячәк.
Татарстан Росреестры матбугат хезмәте