Чуаш Борнае авыл җирлеге Советының киңәйтелгән утырышы узды
Җыен авыл җирлеге башлыгы Илсур Зариповның 2018 елда башкарылган эшләр турындагы хисабы белән башланып китте.
Татар Борнае мәктәбе директоры Гөлүзә Минсәгыйрова, Чуаш Борнае мәктәбе директоры Николай Хвостов, Татар Борнае ФАПы мөдире Гөлүзә Галиева, Чуаш Борнае клубы мөдире Елена Козырева, "Хузангай" ҖЧҖ вәкиле Иван Кудряшов 2018 елда башкарылган эшләр турында хисап бирделәр. 2018 елда җирлектә оператив хәл, яшүсмерләр арасында җинаятьләрне кисәтүгә һәм социаль мошенниклык профилактикасына юнәлдерелгән чаралар белән ТР Эчке эшләр министрлыгының Әлки районы буенча бүлекчәсе полиция участок уполномоченные Рифат Зарипов таныштырды.
Республикада һәм районда эшләүче авыл хуҗалыгы программалары турында Татарстан Республикасы Әлки муниципаль районында авыл хуҗалыгы һәм азык төлек идарәсе башлыгы Роберт Гадиев сөйләде.
Район Башкарма комитетының территориаль үсеш бүлеге начальнигы Лариса Давыдова халыкны 2018 елда районның социаль-икътисади үсеше нәтиҗәләре һәм социаль-мәдәни өлкә объектларын төзү һәм капиталь ремонтлау күләмнәре белән таныштырды.
. Аннары район хезмәтләре җитәкчеләре чыгыш ясады. Халык сорауларына җаваплар бирелде.
Алдынгылар бүләкләнде