“Яшь фермер” VII интеллектуаль уены.
15 февральдә «Казан Экспо " күргәзмә үзәге территориясендә агросәнәгать комплексы һәм эшкәртү сәнәгате күргәзмәсе кысаларында Татарстан Республикасы Авыл хуҗалыгы һәм азык-төлек министрлыгы һәм «Казан дәүләт аграр университеты» югары һөнәри белем бирү федераль дәүләт бюджет мәгариф учреждениесе ярдәме белән «Яшь фермер "VII интеллектуаль уенның төбәк этабы узачак.
Төбәк этабы "Россия авыл яшьләре берлеге" төбәк иҗтимагый оешмасының Татарстан төбәк бүлеге тарафыннан үткәрелә.
Уенның максаты - укучыларда авыл хуҗалыгы өлкәсендә бизнес-планлаштыру, мәгълүмат җыю һәм анализлау, идарә итү карарларын эшләү һәм командада эшли белү күнекмәләрен үстерү.
Чара талантлы яшьләрне ачыклау, аларга ярдәм итү һәм аларны авыл территорияләрен үстерү буенча бизнес-проектларны эшләү һәм тормышка ашыру процессына җәлеп итү; авыл хуҗалыгында икътисад, бизнес-планлаштыру һәм менеджмент өлкәсендә белемнәрне киңәйтү; уенда катнашучыларның шәхси компетенцияләрен үстерүгә юнәлтелгән.
Катнашу өчен 24 проект тәкъдим ителде: 3 проект белем бирү оешмалары укучыларыннан: ТР Мамадыш муниципаль районы МБББУ “Красная Горка урта гомуми белем бирү мәктәбе”, ТР Югары Ослан муниципаль районының МБББУ “Матюшино урта гомуми белем бирү мәктәбе” һәм Татарстан Республикасы Арча муниципаль районының МБББУ "Шушмабаш урта гомуми белем бирү мәктәбе”; 9 һөнәри белем бирү учреждениеләреннән проектлар – ДАҺБУ “Арча агросәнәгать һөнәри көллияте", ДАҺБУ “Буа ветеринария техникумы”, ДАҺБУ "Кукмара аграр көллияте», ДАҺБУ Габдулла Тукай исемендәге "Әтнә авыл хуҗалыгы техникумы”, ДАҺБУ “Тәтеш авыл хуҗалыгы техникумы”, ДАҺБУ “Саба авыл хуҗалыгы техникумы”, ДАҺБУ “Минзәлә Тәтеш авыл хуҗалыгы техникумы”; 12 проект югары белем бирү учреждениеләреннән - ЮБ ФДБМУ “Казан дәүләт аграр университеты” һәм ЮБ ФДБМУ “Казан дәүләт ветеринария медицинасы академиясе”
Җиңүче командалар дипломнар һәм истәлекле бүләкләр, Казан дәүләт аграр университетына керү өчен рекомендацияле сертификатлар белән бүләкләнәчәкләр.
Уенның беренче этабы җиңүчеләре икенче этапта катнаша. Аның нәтиҗәләре буенча 2019 елның язында Мәскәүдә финалда катнашу мөмкинлеге бар.
Барлык теләүчеләрне чакырабыз. Керү ирекле!
Эш режимы:
15 февраль көнне 8.00 дән 15.00 сәгатькә кадәр.
Үткәрү урыны: «Казан Экспо» МКҮ, Лаеш районы, Олы Кабан авылы, Күргәзмә урамы, 1 йорт (Аэропорт), 2 нче Павильон, 3 нче кат, 1 нче зал