Яшьләр форумы: адым гына яса, юл үзеннән - үзе ачыла
Республика авыл хуҗалыгы продукциясенең барлык төрләре белән тәэмин ителгән, аны җитештергәндә алдынгы технологияләр кулланыла, ә бу сездән алдарак укыган кешеләрнең хезмәт нәтиҗәсе, ләкин тиздән сезнең вакыт килер», — дип мөрәҗәгать итте җыелганнарга Казан дәүләт аграр университетының икътисад институты директоры Марат Низаметдинов Форум барышында үз тәҗрибәсе турында авылда үз эшен ачкан эшмәкәрләр сөйләде. Кукмара районыннан Роберт Димитриев, ветеринария академиясен тәмамлап, укудан соң туган авылына әйләнеп кайтуы, әтисенә булышуы, тәҗрибә туплавы, «гаилә фермалары» программасы буенча дәүләт субсидияле 40/60 һәм нәселле терлек программасы буенча җиһазлар сатып алуы турында сөйләде. Бүген аның хуҗалыгында 300 баш эре мөгезле терлек бар, көн саен 1,5 тоннадан артык сөт сатыла, хуҗалыкта 7 кеше, ә сезонлы эшләрдә 17 кешегә кадәр кеше эшли. «Авылда бизнес алып барган кеше җитди социаль йөкләнеш һәм җаваплылык алып бара", - дип билгеләп үтте ул, һәм барлык теләүчеләрне дә практика көтүен әйтте. «Дәүләт ярдәменнән башка, кредитлардан башка бизнес ачарга мөмкинме һәм башлангыч капитал сыйфатында бер ай өчен хезмәт хакы гына була аламы?"- студентлар кызыксындылар. Саба районыннан Алим Галимуллин бу хакта сөйләп кенә калмыйча, үз тәҗрибәсе белән дә уртаклашты. Ул аграр университетны тәмамлаган, вуз программасы буенча Америкада стажировка үткән һәм хатыны белән үз эшен ачарга булган. Беренчел капитал – гараж һәм 9 мең сум. Җиләк-җимеш агачлары үстергәннәр, ландшафт дизайны белән шөгыльләнгәннәр, интернет-кибет җибәргәннәр. Барысын да үз машиналарында ташыганнар. Әкренләп шулй үскәннәр һәм киңәйгәннәр. Европа һәм Америкада йөреп, чит ил тәҗрибәсен өйрәнгәннәр. Бүген аларның үз бакча үзәге бар. «Безнең төп бурыч-кешеләрдә табигатькә мәхәббәт уяту», - ди Алим Галимуллин. Ул хезмәткәрләр өчен яхшы шартлар булдыруның мөһимлеген дә билгеләп үтте һәм студентларны практикага чакырды, иң активларны Америкага стажировка үтәргә җибәрәчәген, Массачусетс технология институты белән килешү төзелүен билгеләп үтте. Шунысы игътибарга лаек, Алим Галимуллин үз эшен ачу өчен кредитлардан яки башка ярдәмнән файдаланмаган. Форум кысаларында эшмәкәрлек фабрикасы-уникаль проект турында да сөйләделәр, аның ярдәмендә 3 ай дәвамында бушлай белем алып, остазлары белән бергә 800дән артык кеше үз эшен ачтылар инде. Фабриканы тәмамлаучыларның берсе-Түбән Камадан Чулпан Минебаева, ул берничә көн элек «Ел хатын-кызы» конкурсында «Бизнес-леди»номинациясендә җиңүче булды. Ул озак вакытлар шәһәрнең бер сәнәгать гигантында эшләгән, карьера баскычыннан күтәрелгән, ләкин һәрвакыт үз эше турында хыял белән яшәгән. Үзкуллану өчен минисыр ясауны өлкән улы тәкъдим иткән аңа. Мәскәүдә Кырым һәм Италиянең сыр пешерүчеләрендә белем ала һәм акрынлап мавыгуы чын бизнеска әверелә. Чулпан Минебаева шулай ук студентларны кунакка көтә һәм теләсә кайсы теләгән сырлар пешерергә өйрәтергә әзер. "Кыйммәтле вакытны бушка үткәрмәгез, сезнең алда шулкадәр мөмкинлекләр бар!» - мөрәҗәгать итте ул студентларга. Ә Гөлнара Шәмсиева бер ел элек Идел буе агросәнәгать форумында катнашкан иде инде һәм шуннан соң эшмәкәрлек фабрикасында укып, крестьян-фермер хуҗалыгын ачкан, грантка гариза биргән һәм химия өстәмәләреннән башка ит продукциясе җитештерә башлаган. «Идеягә тормыш үзе этәрде. Аллергия аркасында балага ат ите генә рөхсәт ителде. Үзебез өчен үстерә башладык, ә аннары соң үсешкә ирештек”, - дип шәхси тәҗрибә белән уртаклаша Гөлнара Шәмсиева. "Адым гына яса, юл үзеннән – үзе ачыла", — ди ул яшьләргә. Студентлар һәм башка эшмәкәрләр, шулай ук студентлар үз проектларын тормышка ашырырга планлаштыра торган проектлары белән чыгыш ясадылар; сораулар бирделәр, идеяләр буенча фикер алыштылар. Чара ахырында форумда катнашучыларга авыл хуҗалыгы һәм азык-төлек министры урынбасары Ришат Хәбипов мөрәҗәгать итте. Ул яшьләргә яңа башлангычларда уңышлар теләде һәм министрлыкның урында утырмаучыларга, чыннан да тырышып эшләүчеләргә ярдәм итәргә әзер булуын әйтте. Чараның ни дәрәҗәдә кызыклы һәм файдалы булуын сөйләп тору да кирәкмәстер. Студентлар күзләрендә кызыксыну очкыннары уянды. Күпләр хәзер авылда үз бизнес-идеяләрен тормышка ашыру турында уйлана.
Татарстан Республикасы Авыл хуҗалыгы һәм азык-төлек министрлыгы.