Цифрлы телевидение өчен приставкаларны тоташтырырга волонтерлар ярдәм итәр

2019 елның 20 феврале, чәршәмбе

Бу турыда инде күптәннән хәбәр ителеп килә. Шөкер, 2014 елдан бирле Биләр телевышкасы аша район халкы цифрлы каналлар карый. Шундый  20 каналны түләүсез карый алабыз. Өч-дүрт аналог каналны карауны дәвам итүчеләргә исә телевизорларын “цифрлы телевидение өчен” дигән приставка аша тоташтыру зарур. Сатуда ул приставкаларның иң арзанлысы 1000-1200 сумнар тора. Тиздән почта бүлекләренә әлеге приставкаларның 900 сумга чак-лысы да кайтарылачак. Бу турыда узган атнада республика хөкүмәт йортында үткән видеобрифингта әйтелде. Приставкаларны үзеңә дә, волонтерлар ярдәмендә дә (алар һәр авыл җирлегендә бар) тоташтырырга мөмкин.