"Туган тел, изге тел…”
П. П. Хузангай музеенда Туган тел көнен һәм язма әдәбият көнен үткәрү традициягә әйләнде. 21 февраль көнне музей, китапханә һәм клуб хезмәткәрләре Хузангай мәктәбе укучылары белән берлектә «Туган тел, изге тел... " дигән темага чара үткәрделәр. Барлык чыгыш ясаучылар да туган телнең әһәмияте турында сөйләштеләр, аның милләтнең мәдәниятен үстерүгә йогынтысы, яшьләргә рухи-әхлакый, эстетик һәм патриотик тәрбия бирүгә тукталдылар. Аерым билгеләп үтелгәнчә, нәкъ менә туган тел әхлакый сәламәтлеккә ярдәм итә, халыкның үзаңын, аның бердәнберлеген һәм үзенчәлеген гәүдәләндерә. Кичәдә күп милләтле Россия шагыйрьләренең-Хузангай дусларының шигырьләре яңгырады. Традиция буенча китапханәче Е. В. Юманованың эчтәлекле китап күргәзмәсе оештырылды. Шулай ук балалар бөек шагыйрьнең “ Хузангай сукмагы " дип аталган истәлекле урыннары буйлап уздылар.