Айрат Хәйруллин: “Барлык авыл хезмәтчәннәре дә пенсиясенә өстәмә акча алса, гадел булачак”
Дәүләт Думасының Аграр мәсьәләләр комитеты рәисе урынбасары, «Бердәм Россия» нең «Россия авылы» федераль проекты координаторы Айрат Хәйруллин билгеләп үткәнчә, сайлаучылар төбәкләрдә атна дәвамындагы очрашуларда мондый сораулар белән еш мөрәҗәгать иткән.
"Агымдагы елның февраль аенда узган кабул итүдә миңа Чистай районыннан ике авыл кешесе мөрәҗәгать итте. Алар авыл хуҗалыгы оешмаларында балта остасы булып эшләгән, ә Пенсия Фондының җирле бүлекчәсендә булган исемлекләр буенча аларга пенсия өстәмәләре язылмаган. Без РФ Хезмәт министрлыгына депутат таләбе җибәрдек һәм хәзер бу конкрет мәсьәлә буенча хәл ителде инде. Әмма гомер буе авыл хуҗалыгында эшләгән кешеләрнең тагын күпмесе - балта остасы, эретеп ябыштыручы, алар турыдан-туры авыл хуҗалыгы тармагына бәйле хезмәт белән шөгыльләнгәннәр, ә өстәмә акча алмаганнар. Бу дөрес түгел», - дип сөйләде Айрат Хәйруллин.
Искәртеп узабыз, закон буенча, әгәр кеше АПКда 30 елдан артык эшләгән һәм авыл җирендә яшәгән икән, ул теркәлгән түләүдән иминият пенсиясенә 25 процент өстәмә акча алырга хокуклы. Әмма бүген бу хокук белгечлекләрнең рәсми исемлеген чикли. Исемлектә күрсәтелгән һөнәрләрнең төгәл атамасына эләкмәү сәбәпле, район пенсия фондлары кешеләргә өстәмә түләү алу хокукында баш тарта.
“Без коллегалар белән бу исемлекнең киңәйтелүенә һәм 30 елдан артык авыл хуҗалыгы продукциясе җитештерү өлкәсендә эшләгән кешеләрнең барысы да мөһим түгел – совхозларда, колхозларда яки авыл җирлегендә урнашкан башка авыл хуҗалыгы предприятиеләрендә лаеклы өстәмә түләү хокукына ия булуы өчен тырышабыз", - дип ассызыклады Айрат Хәйруллин.