Музей хезмәткәрләре “Төремкәй" балалар бакчасында күчмә күргәзмә оештырдылар.
2019 елның 1 апреленнән 7 апреленә кадәр «Татарстанның музей язы – 2019 " акциясе уза. Әлеге акция кысаларында, 2019 елның 4 апрелендә, Татарстан Республикасы Әлки муниципаль районының “Лисенков С.М. исемендәге тарихи-туган якны өйрәнү музее " МБКУсе хезмәткәрләре Татарстан Республикасы Әлки муниципаль районының Базарлы Матак авылының "Төремкәй" МБМЯББУсе балалар бакчасында Халыкара туган халыкларның телләре елына багышланган күргәзмә оештырды.
Балалар узган гасырлардагы крестьяннарның тормышын һәм көнкүрешен күрсәтүче этнографик предметлардан торган музей экспонатларын бик кызыксынып күзәттеләр, алар турында хикәяләрне игътибар белән тыңладылар, куллары белән тотып карадылар. Бу экспонатларга карагач, тарих тәгәрмәчләре кирегә борылган кебек сизелә һәм әйтерсең лә син бөтенләй башка вакытка эләккәнсең. Биредә нинди генә көнкүреш инструментлары юк: үз куллары белән чигелгән тукыма һәм веретеналы сөлгеләр, балчык һәм чуен чүлмәкләр, күмер һәм агач үтүкләр, май сыгу аппаратлары, таз һәм башка бик күп нәрсәләр. Һәр экспонатның үз тарихы бар. Балалар да әзерләнгән иде: Татарстан Республикасының ике дәүләт телендә шигырьләр сөйләделәр һәм сценкалар күрсәттеләр.