Әлки районы: "Төзүче һәм К” коллективы өчен сезон кызу булачак.

2019 нчы елның 16 нчы апреле, сишәмбе.

“Төзүче һәм К”  оешмасы бу сезонда да берничә объектта төзелеш-ремонт эшләре алып барачак.

Хәер, аларның күбесе башланган инде. Әйтик, ветеринария берләшмәсе лабораториясендә җылылык системасы яңартыла, керү төркемнәре ремонтлана. Базарлы Матак урта мәктәбендә «Функциональ зона» республика программасы кысаларында технология, информатика һәм тормыш иминлеге кабинетлары – нибары 5 бина ремонтлана. Шулай ук Чуаш Борнае авылында яңа күп функцияле үзәк төзеләчәк, Югары Әлки клубын ремонтлаячаклар.