Суррогаттан үлүдән кисәтү.
Агымдагы елда гына да Татарстан Республикасы Дәүләт алкоголь инспекциясенең Чистай территориаль органы хезмәткәрләре 1363,5 литр күләмендә алкогольле һәм спиртлы продукция, шул исәптән Әлки районында – 48,4 литр алдылар.
Шикле спиртлы эчемлекләрнең нидән эшләгәнен күз алдына да китерүе куркыныч. Еш кына мондый аракы составында метил спирты барлыгы ачыкланган, ә ул бик аз дозаларда да кеше организмы өчен куркынычлы, ул организмга эләккән очракта кешеләр сукыраялар, ә 30 граммнан артык доза – үлемгә китерә.
Шунысы куанычлы: Әлки районында 2019 елның 1 кварталында алкоголь белән агулану очраклары теркәлмәгән, әмма 2018 елда үлем белән тәмамланган алкоголь белән агулануның бер очрагы теркәлгән.
Соңгы вакытта алкоголь продукциясенең легаль булмаган әйләнешенә каршы көрәштә порталда «Халык контроле» дәүләт www.uslugi.tatarstan.ru. мәгълүмат системасы ярдәм итә.
2019 елның 4 аенда Әлки районы буенча «Халык контроле» дәүләт мәгълүмат системасына 5 гариза килгән, шуларның 2се расланган. Гражданнар ярдәме белән алкогольле продукцияне сату кагыйдәләрен бозу очраклары ачыкланды.
Порталдан файдаланучылар әлеге хокук бозуларны ачыклый алган дөрес мәгълүмат өчен матди бүләк алдылар.
Татарстан Республикасы Дәүләт алкоголь инспекциясенең Чистай территориаль органы чираттагы тапкыр район халкын актив рәвештә гражданлык позициясе күрсәтергә һәм «Халык контроле " дәүләт мәгълүмат системасына хәмер законнарын бозу турында хәбәр итәргә чакыра.
Татарстан Республикасы Дәүләт алкоголь инспекциясенең Чистай территориаль органы