Татарстан Республикасы Авыл хуҗалыгы һәм азык-төлек министрлыгы «Авыл. Үсеш территориясе» проектында катнашырга чакыра
Татарстан авыл хуҗалыгы һәм азык-төлек министрлыгы хәбәр иткәнчә, 2019 елда Россия авыл яшьләре берлеге инициативасы белән Гомумроссия халык фронты "Авыл. Үсеш территориясе" исемле яңа проект эшләтеп җибәрде. Аның максаты – авыл территорияләрендә милли проектларны гамәлгә ашыруны анализлау һәм авылны үстерүгә яңа алымнар формалаштыру. Проект бурычларына авыл территорияләрен үстерүгә йогынты ясый торган илкүләм проектлар һәм дәүләт программалары үтәлешен мониторинглау, авылда тормыш сыйфатын яхшырту буенча тәкъдимнәр эшләү һәм җирле халыкны үз торак пунктларын үстерүгә җәлеп итү керә.
"Авылда тормыш сыйфатын күтәрү өчен федераль бюджеттан бик зур акчалар бүлеп бирелде, – дип аңлатты «Авыл. Үсеш территориясе»проектының координаторы , РССМ рәисе Юлия Оглоблина. Без аларның нәтиҗәле чыгымнарына иҗтимагый контроль тәэмин итәргә тиеш. ГХФның яңа проекты планлаштырылган һәр объект төзелешен – дәүләт сатып алулары процедурасыннан файдалануга тапшырылганчы контрольдә тотачак. . Яңа объектларны кадрлар белән тәэмин итүгә һәм аларның эшен оештыруга аерым игътибар бирергә планлаштырабыз. Әйтик, яңа төзелгән фельдшер-акушерлык пунктында эшләргә кеше булмаса яки ул атнага бер тапкыр гына ачылса, аннан халыкка ни файда? Урыннардагы түрәләр медицина оешмасын яки мәдәни үзәкне төзү белән генә чикләнмичә, оештыру һәм кадрлар мәсьәләләрен дә хәл итсә, халык реаль яхшыруны сизәчәк».
"Сәламәтлек саклау”, "Мәгариф”, "Мәдәният”, “Цифрлы икътисад” милли проектларны тормышка ашыру мониторингы үткәрүдә катнашу өчен быел ук 800дән дә ким булмаган активист җәлеп ителәчәк. Илкүләм проектларның россиялеләрнең тормыш сыйфатына йогынтысы мониторингы илнең барлык төбәкләрен дә колачлый. Шулай ук җирле халыкны авыл территорияләрен үстерүгә аларның үз инициативаларын гамәлгә ашыру аша актив җәлеп итү планлаштырыла.
Татарстан Республикасы Авыл хуҗалыгы һәм азык-төлек министрлыгы исегезгә төшерә, теләгән һәркем гражданлык позициясен күрсәтә һәм Россия авылын үстерү буенча иң зур проектның активисты була ала. "Авыл. Үсеш территориясе» анкета тутырырга кирәк.
Халык фронты активистларының күпчелек тәкъдимнәре «Авыл территорияләрен комплекслы үстерү " дәүләт программасына керде инде.
Татарстан Республикасы Авыл хуҗалыгы һәм азык – төлек министрлыгының Матбугат хезмәте