Ремонттан соң “Ләйсән” йөзү бассейны янә эшли башлады

2019 елның 17 июле, чәршәмбе

Екатеринбургтан килгән осталар бассейн савытын ямап киттеләр. Алар савытның фундаменты бераз утыру сәбәпле ярылган дигән нәтиҗә чыгарганнар.

Бассейн хәзер элекке тәртиптә эшли. 14.00-15.00, 15.00-16.00, 19.00-20.00, 20.00-21.00 сәгатьләрдә коенырга олыларны, ә 16.00-19.00 сәгатьләрдә балаларны чакыралар. Спорт объекты җитәкчесе Айтуган Вафин әйтүенчә, бассейн суы барлык санитар таләпләргә җавап бирә. Тиздән судан чүп җыя торган яңа тузан суырткыч та кайтачак икән.