95 яшьлек юбилее белән котлау

2019 елның 15 августы, пәнҗешәмбе

Бүген Карга авылында яшәүче Сабирова Җомабикә Миясәр кызы 95 яшьлек юбилеен билгеләп үтте.

Аны шушы күркәм юбилее белән котларга район башлыгы урынбасары Рәшит Билалов, Карга авыл җирлеге башлыгы Рамил Минһаҗев, район ветераннар-пенсионерлар җәмгыяте рәисе Ришат Хәлиуллин килгән иде. Россия Президенты В.В. Путинның котлау хатын, район башлыгы А. Ф. Никишинның котлау хатын, шулай ук истәлекле бүләк тапшырдылар. Ныклы сәламәтлек һәм озын гомер теләделәр.