Яшь авыл эшкуарлары “Россиянең яшь эшкуары-2019" конкурсында катнаша алалар.
Татарстан Республикасы Авыл хуҗалыгы һәм азык-төлек министрлыгы хәбәр иткәнчә, 14 яшьтән 30 яшькә кадәрге яшь авыл эшкуарлары «Россиянең яшь эшкуары-2019 " Бөтенроссия конкурсында катнаша ала. Конкурста катнашу өчен бүген үк түбәндәге сайтта анкета тутырырга кирәк: molpred-116.ru һәм почтага җибәрергә info.mpr2019rt@mail.ru. Гаризалар кабул итүнең соңгы көне – 30 сентябрь. Һәр теркәлгән кеше СММ буенча онлайн-курс бүләк алачак.
Бәйге 8 номинациядә оештырылган, алар арасында – «Интернет эшкуарлык», «Авыл хуҗалыгы эшкуарлыгы», «Франчайзинг», «Социаль эшкуарлык», «Җитештерү», «Инновацион эшмәкәрлек», «Сәүдә» һәм «Хезмәт күрсәтү өлкәсе».
Төбәк этабы финалы 2019 елның 2 октябрендә узачак. Иң яхшы эшкуарлар федераль этапта катнаша һәм Татарстанны Россия дәрәҗәсендә тәкъдим итә ала. Бу елның ноябрендә Казанда "Россиянең яшь эшкуары-2019" Бөтенроссия конкурсының финалы узачак.
Чараны Яшьләр эшләре буенча Федераль агентлык һәм Россия яшьләр эшкуарлыгына ярдәм итү үзәге оештыра.