Татарстан Росреестры - чын команда!
Татарстан Республикасы буенча Росреестр идарәсе IV хәйрия фестивале уздырды
Бу шимбәдә Росреестрның Татарстан Республикасы буенча идарәсе хезмәткәрләре арасында ведомствоның 10 еллыгына багышланган IV республика хәйрия иҗат фестивале узды. Россия Монополиягә каршы федераль хезмәт Уку-методик үзәгенең концертлар залында аншлаг иде. Фестивальдә булган кунакларның күпсанлы фикерләре буенча, бу фестиваль тарихында иң зур һәм искиткеч чара.
Чыннан да, фестивальне үткәрү елларында Идарә бүлекләре хезмәткәрләре тарафыннан мондый номерлар әзерләнгәне (барлыгы 26) юк иде әле! Ләкин эш номерлар санында да да түгел, ә бүлекләрнең аларны башкаруга иҗади яктан ничек якын килүләрендә. Фестивальнең вакыт буенча озын булуына карамастан, безнең коллегаларыбызның чын артистларга үзгәрүен карау гадәттән тыш кызык һәм күңелле булды. Сәхнәдә дә, аннан читтә дә тормыш кайный. Шулкадәр эмоцияләр: кичерешләр һәм көлүләр, бәхетле кешеләр! Мөгаен, коллективны, гомумән, иҗади эш кебек, бернәрсә дә шулай якынайтмыйдыр. Шул ук вакытта безнең фестивальнең еллар узу белән сүрелмәве, киресенчә, көчәя баруын билгеләп үтү күңелле - катнашучылар гына түгел, стандарт булмау, сафлык һәм хәтта кыюлык белән аерылып торган креатив идеяләр дә арта бара. Фестиваль һәрвакыт “кайнар” уза, хезмәткәрләребезнең яңа талантлары ачыла.
Росреестрның Татарстан Республикасы буенча идарәсе җитәкчесе Азат Галимҗан улы Җаббаров та әлеге чараны үткәрүнең мөһимлеген ассызыклады. Идарә хезмәткәрләренә сәламләү сүзе белән чыгыш ясап, ул коллективны истәлекле дата белән котлады. «Бер көн кебек үткән 10 ел эчендә Татарстан Росреестры коллективы тарафыннан бик зур эш башкарылды, һәм без куелган бурычларны тиешенчә үтәдек. Безнең эшебез иң югары дәрәҗәдә – моны Росреестр җитәкчелеге дә, Татарстан Республикасы да билгеләп үтте. Болар барысы да һөнәри һәм иҗади коллективның бердәм эшләве нәтиҗәсендә мөмкин булды. Фестивальне үткәрү традициясе, аның төп бурычы – хәйриячелек һәм коллективның бердәмлеге - һичшиксез дәвам итәргә тиеш", - дип билгеләп үтте Азат Галимҗан улы Җәббаров.
Шулай ук фестиваль кысаларында идарәнең иң яхшы хезмәткәрләрен бүләкләделәр. Фестиваль Татарстан Росреестрының 10 еллыгына махсус язылган Риана Җәббарова башкаруындагы җыр премьерасы белән тәмамланды.
Исегезгә төшерәбез, билетлар сатудан җыелган барлык акчаларга Казан шәһәренең шефлыкка алынган балалар учреждениеләре өчен яңа ел бүләкләре сатып алыначак.