Әлки районында быел 39 ана Татарстан хөкүмәтеннән 50 һәм 100 мең сум күләмендә матди ярдәм алган

Быел беренче баласын 25 яшькә кадәр тапкан 31 ана Татарстан хөкүмәте тарафыннан билгеләнгән 50 мең сум күләмендә түләү алган.

Өченче баласын 29 яшькә кадәр тудырган 8 ана тагын 100 мең сум күләмендә бер тапкыр бирелә торган пособие алган. Республикада инде икенче ел дәвамында билгеле бер яшьтә беренче һәм өченче бала тапкан аналарга өстәмә түләүләр каралган программа эшли. Былтыр дәүләттән мондый ярдәмне районыбыздан 45 әни алды.

Ә 91 гаилә беренче бала туу буенча айлык федераль пособие билгеләнде. Мәгълүм булганча, ул җан башына уртача керем төбәктә яшәү минимумының 1,5 тапкырдан артмаган, ягъни 14043 сумнан артмаган гаиләләргә бирелә. Айлык федераль пособиенең күләме 8896 сум.