Әлки районы: гомере буе сыер савучы булып эшләгән Кошки авылында яшәүче хезмәт ветеранын Россия Президенты котлады

2019 елның 25 ноябре, дүшәмбе

Россия Президенты Владимир Путин хезмәт ветераны, данлыклы сыер савучыга юбилей уңаеннан котлау телеграммасы юллады. Бу телеграмманы юбилярга район башлыгы Александр Никошин тапшырды. Ул Клавдия Павловнага күпьеллык фидакарь хезмәте өчен чын күңелдән рәхмәт белдерде, юбилее һәм әниләр көне белән котлады, истәлекле бүләк тапшырды.