Транспорт хезмәтләре өчен түләүгә, грант, субсидия алуга хокукны билгеләүгә белешмә бирү өчен документлар исемлеге буенча мәгълүмат

Татарстан Республикасы Министрлар Кабинетының "Транспорт хезмәтләре өчен түләүгә грантлар бирүгә бәйле чыгымнарны финанслар белән тәэмин итү өчен коммерциягә карамаган оешмаларга Татарстан Республикасы бюджетыннан субсидияләр бирү тәртибен раслау турында" 2018 елның 07 декабрендәге 1087 номерлы карары нигезендә Татарстан Республикасы территориясендә урнашкан һөнәри белем бирү оешмаларын, югары белем бирү мәгариф оешмаларын (алга таба студентлар) укытуның көндезге формасында укучыларга яшәү урыны буенча яисә булу урыны буенча Республика матди ярдәм (компенсация түләүләре) үзәге бүлегенә мөрәҗәгать итәргә кирәк.

Субсидияләр Татарстан Республикасы территориясендә урнашкан һөнәри белем бирү оешмаларында, югары белем бирүче мәгариф оешмаларының укытуның көндезге формасында белем алучыларга  гаиләләренең уртача исәпләнгән кереме 20000 сумнан артмаган очракта грантлар түләү өчен бирелә.

Укучы гаиләсенең бер кешегә исәпләнгән уртача керемен исәпләгәндә, гаилә составына ата-аналар, ир белән хатын, балалар, шул исәптән аерым яшәүче балалар, шулай ук белем алучы абыйлы-энеләр һәм апа-сеңелләр белән бергә яшәүче һәм уртак хуҗалык алып баручылар керә.

Транспорт хезмәтләре өчен түләүгә субсидия алуга хокукны билгеләгәндә керемнәрне исәпкә алу һәм гаиләнең җан башына туры килә торган керемен исәпләү «Гаиләнең җан башына туры килә торган керемен һәм ялгыз яшәүче гражданның керемен исәпкә алу тәртибе турында» 2003 елның 05 апрелендәге 44-ФЗ номерлы Федераль законда, аларны аз керемлеләр дип тану һәм аларга дәүләт социаль ярдәме күрсәтү өчен, гаиләнең җан башына туры килә торган керемен һәм ялгыз яшәүче гражданның керемен исәпкә алу тәртибе турында» 2003 елның 20 августындагы 512 номерлы Россия Федерациясе Хөкүмәтенең «Гаиләнең уртача керемен һәм ялгыз яшәүче гражданның аларга дәүләт социаль ярдәме күрсәтү өчен керемен исәпләгәндә исәпкә алына торган керем төрләре исемлеге турында» карары белән билгеләнә.

Гаиләнең җан башына уртача керем соңгы өч календарь ае буенча билгеләнә.

Транспорт хезмәтләре өчен түләүгә грант алуга субсидия алу хокукын билгеләү өчен кирәкле документлар исемлеге:

- шәхесне раслаучы документ;

- фактта яшәү рәвеше буенча яшәү фактын раслый торган документ (яшәү урыны буенча булмаган очракта/ теркәү);

һөнәри белем бирү һәм югары белем бирүче мәгариф оешмаларыннан укуны раслый торган белешмә;

- соңгы өч календарь айда стипендия күләме турында белешмә;

- мөрәҗәгать итүченең һәм аның гаилә әгъзаларының соңгы өч календарь айда керемнәрен раслый торган документлар.

Гаиләнең җан башына уртача керемен һәм ялгыз яшәүче гражданның керемен исәпләгәндә, аларга дәүләт социаль ярдәме күрсәтү өчен, гаиләнең һәр әгъзасы яисә ялгыз яшәүче граждан тарафыннан акчалата һәм табигый формада алынган барлык керем төрләре исәпкә алына, шул исәптән:

а) урта эш хакын исәпләгәндә исәпкә алына торган хезмәт өчен түләү системасында каралган барлык түләүләр;

б) хезмәт законнарында каралган очракларда сакланып кала торган уртача хезмәт хакы;

в) дәүләт яисә иҗтимагый бурычларны башкару вакытына дәүләт органы яисә иҗтимагый берләшмә тарафыннан түләнә торган компенсация;

г) эштән киткәндә түләнә торган ял пособиесе, отставкага чыкканда компенсация, оешма бетерелүгә, хезмәткәрләр санын яисә штатын кыскартуга бәйле рәвештә эштән азат ителгәндә эшкә урнашу чорына сакланып кала торган хезмәт хакы;

д) барлык дәрәҗәдәге бюджетлардан, бюджеттан тыш дәүләт фондларыннан һәм башка чыганаклардан социаль түләүләр, аларга түбәндәгеләр керә:

пенсияләр, компенсация түләүләре (хезмәткә сәләтсез гражданнарны тәрбияләүче эшләмәүче хезмәткә сәләтле затларга компенсация түләүләреннән тыш) һәм пенсионерларны ай саен өстәмә матди тәэмин итү;

отставкага чыккан судьяларны ай саен гомерлек карап тоту;

фәнни-педагогик кадрлар әзерләү программалары буенча көндезге формада белем алучы һөнәри белем бирү оешмаларында һәм югары белем бирү мәгариф оешмаларында белем алучыларга, аспирантларга һәм рухи белем бирү оешмаларында белем алучы югары белем бирү мәгариф оешмалары докторантларына түләнә торган стипендияләр, шулай ук күрсәтелгән категория гражданнарга медицина күрсәткечләре буенча академия ялында булу чорында компенсация түләүләре;

эшсезлек буенча пособие, эшсез гражданнарга матди ярдәм һәм башка түләүләр, шулай ук мәшгульлек хезмәте органнары юлламасы буенча һөнәри уку һәм өстәмә һөнәри белем алу чорында гражданнарга түләнә торган стипендия һәм матди ярдәм, җәмәгать эшләрендә катнашучы эшсез гражданнарга һәм социаль яклауга аеруча мохтаҗ эшсез гражданнарга аларның вакытлыча эшләрдә катнашу чорында түләүләр, шулай ук 14 яшьтән 18 яшькә кадәрге балигъ булмаган гражданнарга аларның вакытлыча эшләрдә катнашу чорында түләүләр;

вакытлыча хезмәткә яраксызлык буенча пособие, йөклелек һәм бала табу буенча пособие, шулай ук йөклелекнең иртә срокларында медицина учреждениеләрендә исәпкә баскан хатын-кызларга бер тапкыр түләнә торган пособие;

балага айлык пособие;

1,5 яшькә җиткәнче баланы карау буенча отпуск чорына айлык пособие һәм хезмәт шартнамәсе шартларында хезмәт мөнәсәбәтләрендә торучы һәм 3 яшькә җиткәнче бала карау буенча отпускта булган гражданнарга айлык компенсация түләүләре;

контракт буенча хәрби хезмәт узучы хәрби хезмәткәрләрнең эшли алмаган яисә белгечлек буенча эшкә урнашу мөмкинлеге булмау сәбәпле эшкә урнаша алмаган һәм билгеләнгән тәртиптә эшсез дип танылган хатыннарына урыннарда ирләре белән яшәү чорында, шулай ук, әгәр сәламәтлек саклау учреждениесе бәяләмәсе буенча аларның балалары 18 яшькә җиткәнче чит кеше каравына мохтаҗ булса, хәрби хезмәт урынында яшәү шартлары белән бәйле балаларның сәламәтлеге торышы буенча эшләмәскә мәҗбүр булган чорда айлык пособие;

Россия Федерациясе эчке эшләр органнарының һәм җинаять-үтәтү системасы учреждениеләренең рядовой һәм җитәкчелек составы затларының эшләмәүче хатыннарына ерак гарнизоннарда һәм аларны эшкә урнаштыру мөмкинлеге булмаган җирлекләрдә айлык компенсация түләве;

производствода бәхетсезлек очракларыннан һәм һөнәри авырулардан мәҗбүри социаль иминләштерү буенча айлык иминият түләүләре;

әлеге пунктчада күрсәтелгән барлык түләүләр төрләренә өстәмәләр һәм Россия Федерациясе, Россия Федерациясе субъектлары дәүләт хакимияте органнары, җирле үзидарә органнары, оешмалар тарафыннан билгеләнгән башка социаль түләүләр;

е) гаиләнең (аның аерым әгъзаларының) яисә ялгыз яшәүче гражданның милек хокукындагы мөлкәтеннән алынган керемнәр, аларга түбәндәгеләр керә:

күчемсез мөлкәтне (җир кишәрлекләрен, йортларны, фатирларны, дачаларны, гаражларны), транспорт һәм башка механик чараларны, продуктларны эшкәртү һәм саклау чараларын гамәлгә ашырудан һәм арендага (наемга) бирүдән керемнәр;

шәхси ярдәмче хуҗалык (күпьеллык үсентеләр, яшелчә продукциясе, продукция һәм демонстрация хайваннары, кошлар, кыйммәтле җәнлекләр, бал кортлары, балыклар) җимешләрен һәм продукцияләрен сатудан алынган керемнәр;

ж) гаиләнең яисә ялгыз яшәүче гражданның башка керемнәре, аларга түбәндәгеләр керә:

хәрби хезмәткәрләрнең, Россия Федерациясе эчке эшләр органнары, җинаять-үтәтү системасы учреждениеләре һәм органнары хезмәткәрләренең, Россия Федерациясе законнарында хокук саклау эшчәнлегенә бәйле федераль дәүләт хезмәтен узу каралган Россия Федерациясе таможня органнары һәм башка органнарның акчалата тәэминаты, шулай ук даими характерга ия өстәмә түләүләр һәм Россия Федерациясе законнарында билгеләнгән азык-төлек белән тәэмин итү;

хәрби хезмәттән, Россия Федерациясе эчке эшләр органнарыннан, җинаять-үтәтү системасы учреждениеләреннән һәм органнарыннан, Россия Федерациясе таможня органнарыннан, хокук саклау эшчәнлегенә бәйле федераль дәүләт хезмәтен узу каралган башка органнардан эштән киткәндә бер тапкыр бирелә торган пособие;

Россия Федерациясе граждан законнары нигезендә төзелә торган шартнамәләр буенча эшләр өчен түләү;

эш бирүчеләр тарафыннан үз хезмәткәрләренә, шул исәптән инвалидлык буенча яки яшь буенча пенсиягә чыгу сәбәпле эштән киткән элеккеге хезмәткәрләренә күрсәтелә торган матди ярдәм;

авторлык хокукы һәм катнаш хокуклар турындагы Россия Федерациясе законнары нигезендә, шул исәптән авторлык шартнамәләре буенча алына торган авторлык түләүләре;

крестьян (фермер) хуҗалыгы, шул исәптән юридик зат төземичә хуҗалык эшчәнлеге нәтиҗәсендә алынган керемнәрне дә кертеп, эшкуарлык эшчәнлеге белән шөгыльләнүдән алынган керемнәр;

акцияләр буенча керемнәр һәм оешма милке белән идарә итүдә катнашудан башка керемнәр;

гаилә әгъзалары ала торган алиментлар;

банк кертемнәре буенча процентлар;

мирас итеп алына торган һәм бүләк ителгән акчалар;

Россия Федерациясе, Россия Федерациясе субъектлары дәүләт хакимияте органнары, җирле үзидарә органнары, оешмалар тарафыннан билгеләнгән ташламаларның һәм социаль гарантияләрнең гаилә әгъзалары тарафыннан алынган акчалата эквивалентлары.