"Кара җомга"ны ничек оттырмаска
Соңгы берничә елда Россия товар һәм хезмәт күрсәтү базарында ноябрьнең һәр ахырында «кара җомга»маркетинг акциясе уза. Бу вакыйга һәрвакыт күп санлы акцияләр үткәрү һәм төрле сәүдә оешмалары тарафыннан сату белән бәйле. Боларның барысы да кулланучыларда зур кызыксыну уята һәм ыгы-зыгыда күп кенә сатып алучылар намуссыз сатучыларны алдау корбанына әверелә, алар сатып алучыга үткәрелгән акцияләрнең шартларын тулысынча җиткерми.
Шуңа бәйле рәвештә, Идарә «Кулланучылар хокукларын яклау турында» закон нигезендә, сатучы кулланучыга товарлар турында дөрес итеп сайлап алу мөмкинлеген тәэмин итүче кирәкле һәм дөрес мәгълүматны үз вакытында бирергә тиеш, дип искә төшерә. Димәк, сатып алучы «ташлама» акциясе кысаларында товарлар һәм аларны сату шартлары турында аңлаешлы итеп мәгълүмат алырга хокуклы.
Сатучы акция буенча товарны сатып алу шартларын һәм бәясен төгәл билгеләргә тиеш. Сатучы мәгълүматны дөрес һәм аңлаешлы итеп сатып алучыга җиткерсә генә, алар арасында конфликтлы хәлләр килеп чыкмаячак.
Моннан тыш, еш кына кулланучының нинди дә булса товарны сатып алу шартлары алдагы сатып алуларга ташламалар бирүне күздә тота. Мондый шартлар дисконт картасы белән рәсмиләштерелә. Димәк, киләчәктә аны куллану шартлары элек төзелгән сату-алу килешүенең мөһим шартларына әверелә. Бу Шартлар кулланучыга, нинди шартларда бу картадан файдаланырга мөмкин булуын күзаллау бирергә тиеш.
Сатып алучыга шулай ук акция буенча сатып алынган теләсә кайсы товарның сатыла торган шундый ук товарлар кебек үк, шул ук тәртиптә, кире кайтарылырга һәм алмаштырылырга тиешлеген белү мөһим. Аерым алганда, РФ Хөкүмәтенең 19.01.1998 ел, №55 карары белән расланган карары нигезендә әгәр азык-төлек булмаган сыйфатлы товар кулланучыга форма, габарит, фасон, төс, үлчәм яки комплектация формасы буенча туры килмәсә, «Кулланучылар хокукларын яклау турында» гы закон нигезендә, сатып алу көнен санамыйча, 14 көн эчендә (РФ Хөкүмәтенең 19.01.1998 ел, № 55 карары белән расланган «Башка күләмдәге, форма, габарит, фасон, төсләр яки комплектациядәге азык-төлек булмаган товарлар исемлегенә» керүдән тыш) алмашырга хокуклы.
Кулланучы мөрәҗәгатьләр һәм шикаятьләр белән Роспотребнадзорның Татарстан Республикасы буенча идарәсенә мөрәҗәгать итә яки Роспотребнадзор рәсми сайтында мөрәҗәгать формасын тутыра ала http:16.rospotrebnadzor.ru