Әлки районында бүген “Бурычларың хакында белеш” дигән акция уза

2019 елның 20 декабре, җомга

Бурычлары 30 мең сумнан артып киткән бурычлы кешегә карата илдән читкә чыгуны чикләү турында карар чыгарыла. Әмма кайбер очракларда 10 мең сум бурычы булган очракта чит илгә чыгу мөмкин түгел. Әйтик, бурычны ике айдан артык түләмәгәндә, шулай ук сәламәтлегенә китерелгән зыянны, туендыручысының үлеменә, милеккә зыян салуга яки мораль зыянны каплауга бәйле рәвештә алиментлар һәм түләүләр буенча бурычлылар.

Чикләүләрне гамәлдән чыгару  бары тик бурычларны тулысынча түләгәндә генә башкарыла.

Район халкын бурычларны алдан түләп бетерү турында кайгыртырга чакырабыз. Чыгарылган чикләүләр турында тулырак мәгълүматны суд пристав-башкаручысыннан белергә була, аларда әлеге сервиста кузгатылган производство булган очракта күрсәтелгән.