Әлки районында команда-штаб өйрәнүләре уздырылачак

Гражданнар оборонасы, гадәттән тыш хәлләрне кисәтү һәм бетерү, янгын куркынычсызлыгын һәм су объектларында кешеләрнең куркынычсызлыгын тәэмин итү өлкәсендә мондый өйрәнүләр, гадәттә, дүрт елга бер тапкыр үткәрелә. Алар эвакуация-кабул итү пунктлары, шулай ук элемтә, энергетика, сәламәтлек саклау һәм районның башка хезмәтләре эшен аварияләр, һәлакәтләр һәм бәла-казалар янаганда һәм аларны бетергәндә оештыруга бәя бирергә тиеш.