Татарстан Республикасы Авыл хуҗалыгы һәм азык-төлек министрлыгы Яңа ел алды авыл хуҗалыгы ярминкәсенә чакыра
Шимбә көнне, 28 декабрьдә, Татарстан Республикасы Авыл хуҗалыгы һәм азык-төлек министрлыгы республика халкын Казан, Чаллы һәм Яшел Үзән районнарында («Яңа Тура»сәүдә-ярминкә комплексы) ярминкәләргә арзан бәяләрдән авыл хуҗалыгы продукциясен сатып алырга чакыра. Монда казылык продукциясе, төрле сөт, сыр, май, йомырка, яшелчә, бал, шикәр, он, ярма һәм Татарстан муниципаль районнарыннан китерелгән башка фермер продукциясе сатып алырга мөмкин.
Бу атнада кунакларны зур мәйданчыкларда яңа ел алды концерт программасы көтәчәк, ә бәйрәм табынына Татарстан фермерларыннан күркә, каз, үрдәк һәм башка продуктлар сатып алырга мөмкин булачак. Ярминкә быел 20 нче һәм соңгысы булачак.
Авыл хуҗалыгы ярминкәләренең адреслары һәм урыны белән Татарстан Республикасы Авыл хуҗалыгы һәм азык-төлек министрлыгының рәсми сайтында танышырга мөмкин, шулай ук халыкка уңайлы булсын өчен түбәндәге адрес буенча Электрон ярминкә эшли yarmarka16.ru.
2019 елда уздырылган 20 ярминкә нәтиҗәләре буенча Татарстан Республикасының Казан, Чаллы һәм Яшел Үзән муниципаль районнарында 1218,6 млрд.сумлык продукция китерелгән һәм сатылган. Шәһәрлеләр 1996,8 тонна ит, 13680,7 мең тонна яшелчә һәм бәрәңге, 474,1 литр сөт, 9548,6 млн йомырка, 807,8 тонна он һәм 883,8 мең тонна шикәр комы алдылар.
Барлык мәйданчыкларда пенсионерларны кайнар чәй белән сыйлаячаклар, ә Мәскәү районында исә казанда чын пылау пешерәчәкләр. Татарстан Республикасы Авыл хуҗалыгы һәм азык-төлек министрлыгы җитәкчелеге шимбә көнне Казандагы ярминкә мәйданчыкларын шәхсән үзе тикшерә