Халыкара авыл яшьләре конгрессы Казанда 25 илдән вәкилләрне җыячак: Германия, Мисыр, Конго, Һиндстан, Испания, Марокко, Мексика, Нигерия, Пакистан, Португалия һ. б.
«Авыл хуҗалыгы министрлыгы яшь квалификацияле кадрларга ярдәм итү белән кызыксына, шуңа күрә Халыкара авыл яшьләре конгрессын уздыру идеясен хупладык. Бу мәйданчык чит ил коллегалары белән авыл яшьләре хәрәкәтен үстерү һәм авыл территорияләрен пространстволы үстерү мәсьәләләре буенча тәҗрибә уртаклашырга мөмкинлек бирәчәк»,-дип хәбәр итте бүген «Татар-информ» мәгълүмат агентлыгында узган матбугат конференциясендә ТР авыл хуҗалыгы һәм азык-төлек министры урынбасары Марсель Мәхмүтов. Чарада шулай ук «ТР Аграр яшьләр берләшмәсе» төбәк иҗтимагый оешмасы рәисе Диләрә Шувалова һәм ТР Яшьләр эшләре министры урынбасары Ринат Садыйков катнашты.
Матбугат конференциясенең төп темасы быел беренче тапкыр Казанда узачак Халыкара авыл яшьләре конгрессы булды. 25 илдән 37 чит ил делегаты заявка биргән инде. Аерым алганда, БДБ, Германия, Мисыр, Конго, Һиндстан, Испания, Литва, Марокко, Мексика, Нигерия, Пакистан, Польша, Португалия, Төньяк Македония, Төньяк Ирландия, Сербия, Сенегал, Словения, Төркия һәм Эстония илләреннән. Конгресста 25 халыкара спикер һәм 20дән артык федераль спикер катнашачак.
Марсель Мәхмүтов, Татарстан Республикасы Авыл хуҗалыгы һәм азык-төлек министрлыгының республиканың Аграр яшьләр берләшмәсе белән тыгыз хезмәттәшлеге нәтиҗәсендә, авылда яшәү дәрәҗәсен арттыручы социаль проектларны гамәлгә ашырып кына калмыйча, авыл җирлекләренә мәгълүмати-консультатив күчмә бригадалар, яңа эш башлаучы эшмәкәрләрнең белем бирү программалары, җирле үзидарә органнарының проект идарәсенә өйрәтү, шуның аркасында авыл яшьләрен милли проектларны һәм дәүләт программаларын гамәлгә ашыруга җәлеп итә алабыз дип билгеләп үтте.
ТР Авыл хуҗалыгы һәм азык-төлек министрлыгы матбугат хезмәте
Шулай ук министр урынбасары билгеләп үткәнчә, 2019 елның 31 маенда Россия Федерациясе Хөкүмәте тарафыннан "2020-2025 елларга авыл территорияләрен комплекслы үстерү" дәүләт программасы расланган иде һәм дәүләт программасын үтәү Россия Федерациясе Авыл хуҗалыгы министрлыгы беркетелгән.
Алар арасында авылда социаль ипотека, фермерларга ярдәм итү буенча грант программалары, югары уку йортларында максатчан белем бирүне тәэмин итү предприятиеләренә субсидия бирү, шулай ук авыл халкының инициативаларына ярдәм итү кебек яңа төрләрне билгеләп үтәргә мөмкин.
Профильле мәйданчыклар буенча Конгрессның белем бирү программасы: «Авылда яшьләр эшмәкәрлеге» һәм «Мәдәният, тәңгәллекне саклау һәм авыл туризмы» катнашучыларга әлеге өлкәләрдә үз компетенцияләрен арттырырга гына түгел, ә бу белемнәрне грант бәйгеләрендә кулланырга да мөмкинлек бирәчәк. Һәм, әлбәттә, Конгресс делегатларының авылда яшьләргә үз-үзләрен күрсәтү өчен шартлар тудыру буенча тәҗрибәсен уртаклашу безнең территорияләрдә иң яхшы уңышлы кейсларны ачыкларга һәм кулланырга мөмкинлек бирәчәк. Ә алынган проектлар белән идарә итү күнекмәләре муниципаль районнар вәкилләренә «Авыл территорияләрен комплекслы үстерү»милли проекты кысаларында федераль акчалар алу өчен авыл халкының инициатив проектларын язарга мөмкинлек бирәчәк.
Конгресста Россия субъектларының һәм дөньяның башка илләренең 200 дән артык авыл яшьләре катнашачак. Анда катнашу өчен 18-35 яшьлек яшьләр чакырыла: авыл яшьләре белән эшләүче иҗтимагый оешмалар вәкилләре, авылда үз эшчәнлекләрен алып баручы яшь эшмәкәрләр, агросәнәгать комплексы хезмәткәрләре; авыл территорияләренең җирле үзидарә органнары вәкилләре (авыл җирлекләре башлыклары, яшь депутатлар). Конгресста катнашучыларны теркәү 2020 елның 15 гыйнварына кадәр сылтама буенча ачык.