Татарстан Росреестры гражданнар өчен онлайн-консультацияләр үткәрә

Татарстан Республикасы буенча Росреестр идарәсендә интернет аша видео аша кабул итү булды, аны җитәкче урынбасары вазыйфаларын башкаручы Людмила Кулагина үткәрде. Кабул итүгә күчемсез милек объектына милек хокукын рәсмиләштерү мәсьәләсе белән Әлмәт кешесе мөрәҗәгать итте. Онлайн-консультация барышында гражданинга килеп туган проблемалы ситуациядән чыгу буенча киңәшләр бирелде. Шулай итеп, Татарстан Росреестры тарафыннан күрсәтелә торган хезмәт нәтиҗәсендә, Казанга килмичә, граждан ведомство җитәкчелеге белән турыдан-туры элемтәгә керә һәм оператив рәвештә үз мәсьәләсен хәл итә алды.  Исегезгә төшерәбез, Интернеттан файдалану мөмкинлеге булган һәр мөрәҗәгать итүченең шундый мөмкинлеге бар.

 Видео-кабул итү бигрәк тә башка шәһәрләрдә һәм авылларда, хәтта безнең республика территориясендә урнашкан күчемсез милеге булган Татарстаннан читтә яшәүчеләр өчен дә уңайлы. 

Татарстан Республикасы буенча Росреестр җитәкчелегенә видеоэлемтә аша кабул итүгә эләгү өчен алдан ук skype@rosreestr.org электрон адресына гариза җибәрергә кирәк. Гаризада күрсәтелә: ФИО,  Skype логины, телефон номеры (өй яки кәрәзле), e-mail (электрон адрес) һәм сорау. 

Видео кабул итүгә ничек әзерләнергә?
Татарстан Росреестры вәкилләре белән аралашу Skype аша барганга күрә, әлеге сервис алдан ук куелырга тиеш. Урнаштырганнан соң  теркәлергә, аннары программаны эшләтеп җибәреп, менюның өске юлында  «контактлар» сайларга , ә ачылган исемлектә - «Яңа контакт».  Аннары ачылган юлга «rosreestr.tatarstan» язып, "Табарга" төймәсенә басыгыз. Аста ярашулар исемлеге барлыкка киләчәк, кирәклесен сайлагыз һәм "Өстәргә" төймәсенә басыгыз. Шуннан соң Татарстан Росреестры Skype тәрәзәсенең сул өлешендә сезнең контактлар исемлегендә чагылып, аралашу өчен һәркем файдалана алырлык булачак. Шалтырату өчен исемлектә кирәкле контактны сайлагыз һәм "Видеозвонок" төймәсенә басыгыз. Игътибар! Видеозвонок өчен компьютерыгыз веб-камера һәм микрофон белән коралланган булырга тиеш.
Татарстан Росреестры Матбугат хезмәте өчен контактлар+8 843 255 25 10