Әлки районы: Пенсия билгеләүне көтәргә туры киләчәк

2020 елның 18 феврале, сишәмбе

Илдә пенсия реформасы үткәрү сәбәпле, быел Татарстанда 20 мең кешегә пенсия рәсмиләштерелмәячәк.

Пенсия фондының район идарәсеннән алынган мәгълүматларга караганда, алар арасында 238 райондашыбыз да бар. Алар-1960 елгы ир-атлар һәм 1965 елгы хатын-кызлар. Вәзгыять пенсия реформасын тормышка ашыру өчен билгеләнгән күчеш чоры белән бәйле.