Әлки районы: волейбол буенча район ярышларында газчылар командасы җиңү яулады

2020 елның 19 феврале, чәршәмбе

Әфган сугышында һәлак булган Ирек Сөләйманов истәлегенә үткәрелгән волейбол турнирында район газ хезмәте командасы җиңү яулады.

Ярышлар «Алинә»универсаль спорт залында сугышчы-интернационалистлар көне алдыннан узды. Уен көн буе дәвам итте, анда алты команда катнашты. Район газчылары командасы үзен иң көчлесе итеп күрсәтте. Икенче урында – Нурлат волейболчылары. Өченче урынны Алексеевск агрокөллиятенең Базарлы Матак филиалы командасы алды.