Татарстан аграрийлары дүртенче миллион тонна яңа уңыш ашлыгы суктырдылар

Бүгенге көнгә Татарстанда игеннәр 1 миллион гектардан артык мәйданда суктырылган, ягъни планның 74 проценты үтәлгән. Безнең район суктыру буенча алда бара: мәйданнарның 86 проценты җыеп алынган. «Хузангай» ширкәте урып-җыюны гектардан уртача 40,6 центнер уңыш белән төгәлләгән инде. Шулай ук Татарстанда көзге культуралар чәчү дәвам итә. Татарстан Республикасы Авыл хуҗалыгы һәм азык-төлек министрлыгының оператив күрсәткечләре буенча республиканың барлык районнары көзге чәчүгә керештеләр. Безнең районда 21,7 мең гектар мәйданда көзге культуралар чәчү планлаштырыла. Эшләрнең яртысы диярлек башкарылган инде.