Әлки районында Яруллиннар гаиләсе авыл халкының игътибарын креатив бизәлеш белән җәлеп итте

2020 елның 29 сентябре, сишәмбе

Базарлы Матактан Рамил һәм Рәисә Яруллиннар гаиләсе утын әрдәнәсен бизәүгә үзенчәлекле якын килү белән аерылып торды.

- Быел утын бик күп әзерләдек, шуңа күрә аларны ишегалдына урнаштырырга урын юк иде. Урамда калдырырга булдык, әмма аларны «стог» итеп куярга булдык", – ди тырыш хуҗабикә.

Күршеләр дә узгынчылар да өй янынан узып киткәндә, утын әрдәнәсен кызыксынып карыйлар, ә анда ромашкалар, көнбагышлар «чәчәк ата», күбәләкләр ял итә. Ә шушы көннәрдә коллекцияне көзге яфраклар бизәде. 

Яруллиннар гаиләсе үз композициясе белән Шәйдуллин урамының халкына гына түгел, ә тирә якка  яхшы кәеф тудыра.