Әлки районында быел малайлар кызларга караганда ике тапкыр күбрәк туган

Район ЗАГС бүлегендә ел башыннан бирле 84 бәби исәпкә алынган.

Көчле җенес вәкилләре ике тапкыр күбрәк – тугыз айда 28 кыз, 56 малай теркәлгән. Ә сентябрьдә 5 малай, 4 кыз исеменә туу турында таныклык тапшырылган. Гаиләдә беренче, икенче, өченче булып туган бәбиләр саны исә тигез (өчәр).

Узган айда районда 8 пар өйләнешкән (ел башыннан – 48), 4 гаилә таркалган (ел башыннан –25), 22 кеше дөнья белән хушлашкан (ел башыннан -240).

Чагыштыру өчен: 2019 елның сентябрендә ЗАГС бүлегендә 15 бала (ел башыннан –85) теркәлгән, 8 (70) туй булган, 9 (34) гаилә аерылышкан, 17 (192) райондашыбыз мәңгелеккә күчкән.