20 меңнән артык татарстанлы шәхси катнашыннан башка килешүләрне теркәү мөмкинлеге турында белдерде
Әлеге мөмкинлек 2016 елда барлыкка килде. Әмма мөрәҗәгатьләрнең иң күбе узган елга туры килде. Ул вакытта 14,5 меңнән артык гариза бирелгән иде, быел - 3 меңгә якын.
Татарстан Росреестрына үз милке белән алыш-бирешләр яки башка гамәлләр бары тик аның шәхси катнашында гына башкарыла ала, дип гариза бирә ала.
Мондый гаризаны бердәм дәүләт күчемсез милек реестрына (БДКМР) тапшырганда тиешле язма кертеләчәк. Аның БДКМР да булуы башка зат тарафыннан, шул исәптән нотариаль ышанычнамә буенча, хокукларны дәүләт теркәвенә тәкъдим ителгән гаризаны карап тикшермичә генә кире кайтаруга нигез булып тора. Татарстан Росреестры эксперты Энҗе Мөхәммәтгалиева фикеренчә, әлеге язманы бдрна кертү мошенниклардан яклауның нәтиҗәле алымнарының берсе булып тора:
«Әгәр күчемсез милек объектына карата киләчәктә милекче булмаган башка заттан хокукны (сату, алыштыру, бүләк итү һ.б.) дәүләт теркәве турында гариза бирелсә, мондый гаризаны Росреестр гариза бирүчегә караусыз гына кире кайтарачак. Ә милекченең электрон почтасына мондый мөрәҗәгать факты турында хәбәр килә".
Күчемсез милек объектының милекчесенең шәхси катнашыннан башка күчешен, туктатылуын, хокукын чикләүне теркәү мөмкинлеге булмау турындагы гаризаны электрон рәвештә яки КФҮ аша (күчемсез милек урнашкан төбәккә бәйсез рәвештә) бирергә мөмкин. Гаризаны бер күчемсез милек объектына гына түгел, берничә объектка да бирергә була: фатирлар, йортлар, машина-урыннар һ. б.
Әгәр дә күчемсез милекнең милекчеләре берничә булса, гаризаны һәр милекчегә бирергә мөмкин, әмма һәрберсе булу мәҗбүри түгел. Гаризаны бер милекче дә бирергә мөмкин, бу очракта хокук иясе шәхсән катнашыннан башка теркәлү мөмкинлеге булмау турындагы язма аның өлешенә карата гына кертеләчәк.
Әгәр милек уртак булса (өлешләрне билгеләмичә), барысына да бер вакытта килергә кирәк.
Әлеге язманы БДКМРна керткән өчен дәүләт пошлинасы алынмый.
Теркәлү мөмкинлеге булмау турындагы язу мондый гариза алган көннән алып 5 эш көненнән дә артык булмаган вакытта БДКМРна кертелә. Мондый язма БДКМРга, Татарстан Росреестрына, МФЦда алырга мөмкин булган тиешле хәбәрнамәдә электрон почта яки гадәти почта адресына, документ алуның хокук иясе гаризасында нинди ысул күрсәтелүенә карап хәбәр итәчәк.
БДКМРда күрсәтелгән язма вакыты чикләнмәгән булачак. Аны түбәндәге очракларда гына туктатырга мөмкин:
- милекченең (яисә аның законлы вәкиленең) шәхси катнашыннан башка теркәлү мөмкинлеге булмау турында элегрәк тапшырылган гаризаны кире алу турындагы гаризасы буенча;
- милекченең шәхси катнашында башкарылган алыш-биреш нигезендә хокукларны дәүләт теркәвенә алганда хокукларны дәүләт регистраторы карары буенча;
-закон көченә кергән суд карары нигезендә.