Татарстанда 26 ноябрьдә "Сәламәтлек гади" («Сәламәтлек просто») онлайн проекты старт ала

26 ноябрьдә, Татарстан Республикасы Сәламәтлек саклау министрлыгы һәм Казан дәүләт медицина университеты инициативасы белән, Татарстан Республикасы Хөкүмәте ярдәмендә, "Сәламәтлек гади" дигән яңа профилактик онлайн-проект старт ала.

Проектның форматы - атна саен «YouTube» каналында  шәхси һәм иҗтимагый сәламәтлекнең актуаль темаларына туры эфирлар үткәрү. Һәр турыдан-туры эфир – ул тере дискуссия, тере аралашу.

Туры эфирда сәламәтлек саклау өлкәсендә әйдәп баручы белгеч һәм медицина берләшмәсе вәкиле – танылган блогерлар, медиа-персоналлар, җәмәгать эшлеклеләре катнашачак. Татарстан Республикасы Премьер-министры урынбасары Ләйлә Фазлыева һәм Татарстан Республикасы Сәламәтлек саклау министрлыгының баш штаттан тыш неонатологы, Казан шәһәренең «ГКБ7» ДАССУ неонатология буенча баш белгече Анна Бабинцева катнашында беренче көнне « Күкрәк сөте ашату - өстенлекле"» темасы буенча фикер алышачаклар