45 яшьтән өлкәнрәк россиялеләргә пенсия күләме турында хәбәр итә башлаячаклар

2021 елның 2 гыйнваре, шимбә

Россия Пенсия фонды быелдан 45 яшьтән өлкәнрәк барлык россиялеләргә булачак пенсия күләме турында хәбәр җибәрәчәк, дип хәбәр иткән «Российская газета»га Хезмәт министрлыгының матбугат хезмәте. Хәбәрнамәләр автомат рәвештә дәүләт хезмәтләре порталы аша өч елга бер тапкыр киләчәк.

Хәбәрнамәдә акча күчерүләрнең күләме һәм картлык буенча пенсиянең якынча күләме, пенсияне алу вакыты һәм шартлары, түләүләрне исәпләү параметрлары һәм пенсия тупланмалары акчалары күләме турында белешмәләр күрсәтеләчәк. «Һәр кеше шәхси кабинетта үзенең пенсия тупланмалары һәм киләчәктә, керем дәрәҗәсенә карап, Пенсия нинди булырга мөмкин икәнлеге турында мәгълүмат күрәчәк»,— дип хәбәр иткән Хезмәт министры урынбасары Андрей Пудов. Аның сүзләренә караганда, бу хәбәрнамәләр кешеләргә үз перспективаларын аңларга ярдәм итәчәк.

Хезмәт министрлыгы аңлатканча, 45 яшькә күпчелек гражданнарның билгеле бер пенсия капиталы бар, ул пенсия түләүләрен фаразларга мөмкинлек бирә. Әгәр пособие күләме аларга җитәрлек тоелса, бу яшьтәге кешеләрнең пенсияләрен арттыру өчен чаралар күрү өчен вакытлары да җитәрлек әле.

Шулай ук Россия Пенсия фонды хәбәрләрендә пенсия исәпләү өчен кирәкле параметрлар һәм пенсия тупланмалары турындагы мәгълүматлар күрсәтеләчәк.

Элегрәк sntat.ru да Россиядә эшләмәүче пенсионерларга пенсияләрнең 6,3% ка индексацияләнүе турында хәбәр ителгән иде.