Татарстанда коронавирустан вакцинация өчен пунктлар саны 100 гә кадәр артачак
Татарстанда яңа коронавирус инфекциясеннән вакцина ясау өчен 100 прививка пункты оештырыла. Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары-Казанның Сәламәтлек саклау идарәсе башлыгы Владимир Жаворонков сөйләде.
«Узган атнада бездә шактый күп вакциналар килде. Медицина оешмалары буенча ташу дәвам итә, эш интенсивлыгы арта, прививкалар ясау пунктларының саны арта. Без 71кә кадәр арттырылачагын хәбәр иттек, бүген без Татарстан Республикасы буенча 100 прививка пункты турында сөйлибез», — дип белдерде Жаворонков.
Аның сүзләренә караганда, Татарстанда барлыгы 21 мең 245 кеше вакцинацияләнгән. Аларның 5 284е икенче дозасын алды.
"Вакцинация үткәрүгә Казанның 25тән артык предприятиесеннән гаризалар алынды. Бу-эре предприятиеләр, без алар белән прививкалар ясау пунктларын оештыру процессларын тикшерәбез», — дип йомгаклады Жаворонков.