Татарстанлыларга коронавирустан вакцинаның ни өчен куркынычсыз булуын аңлаттылар

"Спутник V" вакцинасын кадатканнан соң, коронавирус белән чирләп китү яки бу авыруны башкаларга йоктыру мөмкин түгел. Вакцинада Covid-19 китереп чыгаручы SARS-CoV-2 коронавирусы юк, аның нәтиҗәлелеге  91,4% тәшкил итә. Чирнең авыр формаларын һәм үлем очракларын булдырмау күрсәткече 100% ка җитә.

2020 елның 10 декабреннән башлап Россия регионнарына масштаблы иммунизация үткәрү өчен вакцина партияләре җибәрелә башлады. Татарстанда вакцинациягә 27 меңнән артык кеше кушылды, шуларның яртысыннан артыгы — 60 яшьтән өлкәнрәкләр.