3-НДФЛ декларациясен ничек җибәрергә?

2021 елның гыйнварыннан декларация кампаниясе старт алды.

Гражданнар 2020 елда алынган керемнәр турында хисап бирергә тиеш.

Физик затларга керемнәре мөстәкыйль исәпләү һәм 2020 ел өчен  3-НДФЛ формасы буенча декларация  түдәндәге очракларда тапшырыла:

- милек буларак минималь срокта булган  автомобиль яисә күчемсез милек сату;

- милекне арендага бирүдән кергән табыш алу;

- физик затларга хезмәт күрсәтүдән кергән табыш алу;

- якын туганнар булмаган затлардан транспорт чарасы яки милекне бүләк итеп алынганда.

Хәзерге вакытта милекне  биләүнең минималь вакыты 5 ел тәшкил итә, ә кайбер очракларда 3 ел. Автомобиль саткан очракта - минималь срок 3 ел.

3-НДФЛ декларациясен шулай ук шәхси эшмәкәрләр, шәхси практика белән шөгыльләнүче нотариуслар, адвокатлар да тапшырырга тиеш.

Декларацияне яшәү урыны буенча  салым органына  2021 елның 30 апреленә кадәр тапшырырга, ә декларация буенча исәпләнгән сумманы 15 июльгә кадәр түләргә кирәк.

 3-НДФЛ формасындагы салым декларациясен теркәлгән салым органына килеп,  яисә  «Физик затлар өчен салым түләүченең шәхси кабинеты» сервисы аша электрон рәвештә тапшырырга мөмкин.

Алынган керемнәр буенча 3-НДФЛ формасындагы  декларация тапшырылмаган очракта салым органнары, үзләрендә булган мәгълүматтан чыгып, салымны мөстәкыйль исәплиләр һәм аны түләргә тиешле затка җибәрәләр.

Тиешле сроклар үтәлмәгәндә штрафка тарту каралган.