Әлки районы данын яклыйлар

2021 елның 11 марты, пәнҗешәмбе

Юрий Гордеев районда танылган чаңгычы-энтузиаст.

Аның катнашыннан башка районда бер генә чаңгы ярышы да узмый. Соңгы елларда аны еш кына күрше районнарга спорт ярышларында катнашырга чакыралар. Юрий тормыш иптәше Светлана, 11 яшьлек улы Матвей һәм 9 яшьлек Тимофей белән бергә язгы бәйрәмнәрдә дә Аксубай районының Беловка авылында һәм Чирмешән районының Сосновка авылында узган спорт чараларында үз осталыкларын күрсәтте. Аксубай районында гаилә күчмә кубок һәм премиягә ия булды. Ә Сосновкада Гордеевлар «Әти, әни, мин спорт сөюче гаилә»номинациясендә җиңделәр.