Әлки районында узган атнада исерек йөртүче тоткарланган

Район ЮХИДИ хезмәткәрләре үткән атнада юл хәрәкәте кагыйдәләрен бозуның 22 очрагын ачыклаган

Шул исәптән руль артына исерек хәлдә утырган бер йөртүче тоткарланган.

Исерек шоферны еш кына җинаятьчегә тиңлиләр. Чөнки ул үзенә генә түгел, юлдагы башка кешеләр өчен дә зур куркыныч тудыра. Салмыш йөртүчеләргә кырыс җәза каралган: аларны ел ярымга кадәр транспорт йөртү хокукыннан мәхрүм итәргә һәм 30 мең сум штраф салырга мөмкиннәр.